ليوم نحنا كجمعية تبنينا حالة عم توفيق راجل مريض بالسرطان نتمناولو الشفاء وحبينا ننقلولكم القليل من معاناته على لسان أحد المقربين ليه و نتمناو إنو الناس الكل تتفاعل و تبارتاجي.
فيما يلي الشهادة متاع فاعل الخير اللي قلنالكم عليه تليه بعض الصور لحالة الدار
نهار 2018/07/06 "
خضع عم توفيق لأول حصة شيميو من مجموع ستة بمستشفى صالح عزيز بتونس
و بفضل الله و بفضل تبرعاتكم تمكن عم توفيق من شراء 06 كعبات ياغورت سبيسيال بش يستهلكهم بعد حصة الشيميو اللي عملها
و هكا مازالولو خمسة حصص شيميو أخرين بمعدل 06 كعبات ياغورت لكل حصة
يعني مجموع 30 كعبة ياغورت سبيسيال مازال يستحقهم عم توفيق مع العلم أن كعبة الياغورت موجودة في الصيدليات و ثمنها تسعة دينارات و خمس مائة مليم 9.500 و حصة الشيميو
القادمة بش تكون نهار 2018/07/21 بقدرة ربي
و من توا لنهار 2018/07/21 يلزمنا نوفروا على الأقل ستة كعبات ياغورت سبيسيال بش يبدى يستهلكهم عم توفيق بداية من تاريخ حصة الشيميو
"ربي يبارك فيكم الناس لكل و يثبت أجركم سواء تبرعتو ولا بش تتبرعو ولا دليتو إنسان بش يتبرع لعم توفيق
لتوضيح نحنا حبينا إنلمو شوية فلوس باش عل الأقل انحسن وضعية عم توفيق شوية وعنا تصاور البيت اللي هو فها
كيما تراو في التصويرة أبسط الحاجيات موش متوفرة
...كل واحد منا يتبرع بلي يقدر باش إنخففو شوية على عم توفيق
ملحوظة هامة
كل عمليات التبرع الإلكتروني مؤمنة عن طريق مؤسسة البريد التونسي و نبعثوا وصل تبرع على الإيمايل متاع المتبرع فيه الكاشي متاع الجمعية التونسية للتكنولوجيا الرقمية
شكرا على تفاعلكم
