كيما تعرفونا ديما بحلمتنا و بطموحنا نتسابقوا على الخير، و شهر رمضان يمثل بالنسبة لينا و لبرشا العباد فرصة نجموا نعاونوا فيها الناس المحتاجة بشقان فطرهم. هذكا علاه، من أول نهار من الشهر الفضيل هذا و نحنا ما نخمموا كان كيفاه نجموا نحاولوا نشبعوا أكبر عدد ممكن من الناس.

كل يوم يتعدا ونحنا نحاولوا نحضروا أكثر عدد ممكن من الأطباق ما يكفي الناس الكل.

أول جمعتين كانو ناجحين و نجمنا نحضروا 2097 طبق.

كيما عرفتونا، نحنا عمرنا منقولوا كلمة مستحيل، حلمتنا بدات بفكرة صغيرة و توا كبرت و و بجهدنا و طموحنا نحبوا نوصولوها لنجاح كبير.

في شهر الخير هذا، خمم في غيرك، في عائلات مستحقينك بش تفرحهم بشقان فطرهم. خمم في الفرحة لي تنجم يعيشوها صغيرات كيف يشوفوا شكون عاونهم و شبعهم. ما بقاو كان جمعتين، هيا نعاونوا فيهم بعضنا، و صدقوني، ما تكونوا كان نتوما الرابحين ديما.