عسلامتكم

مشروعنا المرة هذي مختلف ولأنو عنّا في قلعة الأندلس معاناة لا مراكز ترفيه لا معدات الشباب والأطفال عندو حاجتين يا يشد القهاوي ويدوروا في التلفونات ياصغار في الحومة منهم الي فادد من نفس اللعب يانوادي هيا هيا نفسها دون تغيير أو دعوة للإبداع.

قلعة الأندلس أصلا معضلة في التنقل باش تبرمج تهبط لتونس يلزمك تهبط الستة ونص متاع الصباح والا ضاع عليك النهار و يلزمك تروح قبل الثمنية متاع الليل على خاطر تولي توصل مخر في الليل.

العاصمة بعيدة 40 كلم أو أكثر من 90 دقيقة سفر - أريانة 30 كلم خلاف وقت الإنتظار الي تعتبر أقرب نقطة ترفيهية أو لأقرب نوادي علمية

النوادي الي عنا هنا ما عندهمش أقل أليات العمل من معدات مخبرية أو تجارب في مجالات التكنولوجيا وغيرو .. هذاكا علاش خمما نعملو الفابلاب متاعنا

FabLab Chez Nous!


مبادرة من جمعية أصواتهم البعيدة لتوفير حاظنة تكنولوجية لشباب وأطفال القلعة "DIVLAB" تحت اشراف متطوعين من الأساتذة والطلبة والمتقاعدين

تحب تساهم ماديّا أو عن طريق التبرع بمعدات

التبرّع باش يشكل شراء المعدات وأليات العمل وكراء فضاء مناسب لمدة سنة على الأقل

أشخاص أو مؤسسات أو منظّمات ..تنجّم تتبرّع عينيّا بالمعدّات التكنولوجيةآجهزة كمبيوتر - Robotics - آلات تصوير رقمية طابعات مختلفة - طابعات ثلاثية الأبعاد - LEGO ..

PRINT 3D .... 

فريق من الجمعية يوصل لعندك و يقدملك وثيقة قانونية مختومة يقيمة حجم تبرّعك

كيما عنّا النيّة أنو المختبر يكون متنقّل بين العمادات أوّل ما تتوفّر الإمكانيّات

حتى كان ما نجمتش تعاون لا ماديا ولا عينيّا تنجم تعاونا انك تحكي علينا وعلى مشروعنا وتشارك المشروع مع احبابك واصحابك ممكن تكون سبب في تغيير واقع كامل.

ساهم الآن .. العملية آمنة وما تستحقش أكثر من 3 دقائق ..