السلام عليكم ورحمة الله وبركاته يا أهل الخير اليوم موضوعنا هو الكفالات وهي النشاط الرئيسي لجمعيتنا...

كيما تعرفو الناس الكل جمعيتنا متكفلة بعايلات عن طريق تحويلات بنكية بصفة شهرية, مصدر الكفالات هو التحويلات الي يقوم بيها المتطوعين يعني الكافلين معانا. نحب نذكركم بالملفات القديمة, في آخر تحيين عنا 35عايلة مكفولة من طرف الجمعية, الكفالة توصل ل 200 دينار شهريا, عنا 42 كافل معانا بحيث المبالغ المتجمعة لدينا شهريا تبلغ 3950 دينار و أحنا ندفعوا للعايلات المكفولة 4060 دينار شهريا.

بالمناسبة نحب نحيي الكافلين الملتزمين معانا ونشد على أياديهم ونقلهم راكم تحسنو في حياة صغيرات ربي يبارك فيهم وفيكم . 

أما بعد, توا عنا مدة ما جاتناش ملفات جديدة وفي شهر ديسمبر جونا 19 ملف جديد (40 يتيم) كلها عايلات فاقدة للسند (الاب متوفي) والظروف على قدها و أكثر ... لهذا قبلنا الملفات الكل وخدمنا التحويلات الدائمة ابتداء من جانفي ان شاء الله (وصبينالهم رابال ديسمبر) بما أنو الملفات الجديدة ما عنا حتى كافل جديد معانا, فكرنا انو نعملو جمع تبرعات لفائدة العائلات هذه, المبلغ المنشود هو ما يغطي الكفالات الجديدة لمدة سنة كاملة... لذا أحنا معملين على ربي ثم عليكم وكلنا ثقة فيكم بش نحطوا اليد في اليد ونجمعوا المبلغ المنشود 3050 * 12 = 36600

و الله إنه لشرف عظيم أن يساق رزق الأيتام على أيديكم  

"يا باغي الخير أقبل"