Bienvenue sur ma Cha9a9a en ligne "UNITED FOR WOMEN"

على خاطر وقت الازمه مالينا كان بعضنا ومت نتجاوزوها كان مع ببعضنا

وعلى خاطر وقت الحاجه تعرف معدن الناس واحنا التوانسة ناس خير مش من توه لكن من مده وسنين.

اخو تنا و اولاد قارتنا السمراء اللي يعيشو معانا في تونس من جنوب الصحراء في امس الحاجه لينا. و مستحقين نمدولهم يد المساعدة و نعاونوهم و نشدوا على ايديهم خاصه في هذه الازمه.

ازمه الكرونه اللي قلبت الموازين خلات برشا في حالة صعيبة و في ضائقة مالية و وضعيات اجتماعية ما نرضاوهاش لحتى حد خلي عاد الي منا فينا؟

اذاكا علاه نحنا شباب ولاية اريانة البية من مختلف مكونات المجتمع المدني خممنا في خواتنا و ما نسيناهمش وقررنا احداث حمله لجمع التبرعات خاصه للنساء اللي العديد منهم عندوا مشاكل صحية و أمراض مزمنة وضعيات خصوصيه و ما ننساوش كذلك الامهات العازبات للي لقوا رواحهم مع صغارهم محرومين من ابسط مقومات الحياه الكريمه مع و لا خلطوا لا على وجبة و لا على ثنين.

أما خاطر في اتحادنا قوة و فليس مع فليس يولي ڤديس، حبينا نوجهوا نداء باسمنا و اسمكم لناس الخير و القلوب الرحيمه الى ديما لقيناهم وقت الحاجه باش كل واحد من موقع يعاونا بالتبرعات و اي حاجة تنجم تعاون الفئات هاذي الحاجه من خلال تبرعات والله لا يضيع أجر المحسنين

تنجموا تتواصلوا معنا على الصفحة الرسمية

و الا تتصلوا بمطوعينا في مختلف ولاية اريانة